CROESO - Dynnargh

ABOUTPenceunant.jpg

Penceunant Isaf yw bosti tomm, kowethek ha sempel rag kerdhoryon war runyow isella a venydh Yr Wyddfa, a-dro dhe gans meter dhyworth Ostel Viktoria Riel war Hyns Llanberis.

Y fydh pub prys dynnargh tomm dhywgh, ha chons dhe vetya orth tus dhidherek erel  ha dhedha brys kehaval.

Ni a werth te, koffi, cider ha gwin tomm, ha choklet tomm, keffrys ha dewis a gorevow teythyek.

Ni a werth dewis strothys a voos, mes wolkom owgh dhe dhri agas boos agas honan dhe dhybri gans agas te.

Notyewgh mar pleg - NYNS on ni an bosti ha kresen dornysi orth penn Yr Wyddfa.

SC_View.jpg

A-dro dh'Yr Wyddfa

Yr Wyddfa - 'Snowdon' yn Sownsek - yw an ughella menydh yn Kembra orth 1085 meter a-ugh nivel an mor.

Deskrifys re beu avel menydh an moyha bysi yn Breten Veur - ha mar vysytsowgh bykken Penceunant Isaf yn kres an hav hwi a aswon bos hemma gwir.

An chif hynsyow yw dell sew - gans an howl dhyworth Llanberis:

An Hyns Llanberis

Hemm yw hyns an hirra, mes konsidrys yw dhe vos an esya huni awos bos an ledras temprys lowr dre vras .

An Hyns Pyg

An Hyns Pyg a dhalleth orth park kerri Pen-y-Pass ha sevel dre Bwlch y Moch (Bolgh an Mogh) dhe du est Crib Goch.

Hyns an Dus Val

Hemm a dhalleth ynwedh orth park kerri Pen-y-Pass hag yth yw fordh an moyha geryes da dhe benn Yr Wyddfa.

An Hyns Watkin

Y prederir bos hemma an kalessa a'n hynsyow oll dhe'n penn.

An Hyns Rhyd Ddu

Hemm yw aswonys treweythyow avel Hyns Beddgelert.

Dalleth a wra dhyworth gwig Rhyd Ddu.

An Hyns Snowdon Ranger

An Hyns Snowdon Ranger a dhalleth a'n A4085, orth ostel yowynkneth ryb Llyn Cwellyn, ogas dhe Worsaf Hyns Horn Snowdon Ranger.

Yr Wyddfa yn Tren

Nyns yw Hyns Horn Menydh Yr Wyddfa - drehevys yn 1894 - marnas fordh dhe benn Yr Wyddfa, mes tennvos tornysi y honan.

Orth an Penn

An kynsa drehevyans war benn Yr Wyddfa a veu drehevys yn 1838.

Gorsav ha bosti nowydh a veu drehevys yn bledhynnyow 1930, desinys gans Syr Clough Williams-Ellis, gwrier a'n dreveglos yn gis Italek, Portmeirion.

Arleys veu an drehevyans na yn 2006 gans an huni legh-gudhys Hafod Eryri a welir hedhyw.

Notyewgh mar pleg NAG yw ygor an bosti orth penn Yr Wyddfa dres oll an vledhen, ha bos ygor an bosti byghan dhe Halfway House dres an seson ha treweythyow dhe bennseythennyow 'mes a'n seson.

Ygor yw Bosti Penceunant Isaf 365 dydh a'n vledhen.

SC_Rail.jpg

Dos omma

Yn Kyttrin


Yma gonis leel da a gyttrinyow dhyworth Llanberis bys yn Caernarfon, Bangor ha Betws-y-Coed dre wig Capel Curig.

Yma keffrys kyttrin-gwennel Sherpa hag a brovi gonisyow yn kyrghyn Yr Wyddfa, ow kuntel ha gasa tus orth dalleth peub a'n chif hynsyow.

Yn Tren

Yma yn fenowgh trenow chif hyns horn dhyworth Loundres, an Krestiryow ha Pow Sows North West ow tremena arvor Kembra Gledh, bys Bangor hag ena bys yn Ynys Môn, ow korfenna bys Caergybi rag an kowbal dhe Iwerdhon.

Keffrys ha Hyns Horn Menydh Yr Wyddfa hag a wra karya tus dhe benn Yr Wyddfa, yma hyns horn byghanna ynwedh - Hyns Horn Llyn Padarn Llanberis - ha'gas treusperth dhyworth le ogas dhe'n Ostel Viktoria yn Llanberis bys dhe Withti Legh hag ena a-dro Llyn Padarn.

Hyns Horn an Ugheldiryow Kembra a led dhyworth Caernarfon bys yn Beddgelert - gans savleow rag nebes a'n hynsyow dhe du west Yr Wyddfa - bys yn Porthmadog, le may hyllir kavos Hyns Horn Ffestiniog hag a worfen y viaj yn Blaenau Ffestiniog.

Gans tamm a dowlennans, y hyllir kavos viaj kylgh splann dhyworth Caernarfon bys yn Porthmadog, yskynna bys yn Blaenau Ffestiniog hag ena mos war'n hyns horn meur dhe Fordh Dhibarth Llandudno, ow korfenna an kylgh gans kyttrin yn Caernarfon arta.

SC_Ice.jpg

An Gewer

An gewer war Yr Wyddfa a janj mis dhe vis, dydh dhe dhydh, our dhe our ha mynysen dhe vynysen.

Mar towlennowgh yskynna yn kerdh, an gwella tra yw dhe gavos dargan gewar a yllir hy havos war'n wiasva ma dhyworth an Sodhva Geweroniethel, po dyllys yn-mes Bosti Penceunant war'n bord argemynnow, gras dhe'n Park Kenedhlek ha'n Gonis Kedhlow Kewer an Menydh.

Perthewgh kov yn arbennek may hyll bos tempredhow orth penn an menydh isella dres eghen ages orth nivel an dreveglos, hag yma edhom dhywgh a vos parys rag an gwettha.

ICE2.jpg

Salowder Menydh

Menydhyow Eryri yw tyller splann rag kerdhes, mes posek yw dhe ombareusi yn ta kyns dalleth yn kerdh.

Res yw dhywgh checkya dargan an gewer pupprys - ha bedhewgh gwarnys may hwra an gewer dhe benn an menydhyow chanjya fest uskis.

Mars esowgh ow kerdhes agas honan po yn bagas, y kodh dhywgh dri pub prys neb daffar sempel - y hyllir kavos pubtra yn es yn gwerthjiow yn kyrghyn an menydhyow.

Lies hyns yw garow ha serth, ytho res yw dhywgh kavos botas da - ny godh dhywgh gwiska flypp flopps po eskisyow skav.

Prederewgh a-dro dhe gemeres mappa ha mornaswydh, kota ha lavrek stanch, dillas tomm, kroust ha dowr.

Nebes gwiskasow skav yw gwell ages onan tew.

Rag kerdhow hirra, y fia edhom dhywgh parhap a dhiwes tomm, hwythell, torchen gans batri ha bollen nowydh, hatt gwlanek ha manegow y'n Gwav yn arbennek, hatt, dehen howl ha howlwedrow.

Lies den a drebuch war'n dor angompes - hag yma meur a henna war Yr Wyddfa, ha war'n hynsyow esya hogen - ytho dhe dhri daffar kynweres byghan yw tybyans da.

Bedhewgh sur hwi dhe aswon an hyns - na saw dh'yskynna an menydh, mes diyskynna ynwedh.

Mar tiyskynnowgh dre hyns aral, bedhewgh sur hwi dhe wodhvos fatel dhehweles dh'agas karr po ostel.

Yma kyttrinyow ow mos a-dro dhe'n menydh yn fenowgh, mes ny wrons i pesya dres an nos hogen.

Gesewgh koweth dhe wodhvos agas towlow, ha kestevewgh orto ha hwi dehwelys.

Nyns eus sinell glappkodh yn nebes leow war'n menydhyow - ytho GPS a yll bos anrewlys!

Na ankevewgh dri kamera!